அமைதிக்கான நோபல் பரிசு

அல்கோர்

அமைதிக்கான நோபல் பரிசு, அமெரிக்காவின் முன்னாள் துணை அதிபர், அல்கோர் அவர்களுக்கும் மற்றும் காலநிலை மாற்றம் தொடர்பிலான ஐக்கிய நாடுகள் மன்றத்தின் அரசாங்கங்களுக்கு இடையிலான குழுவுக்கும் வழங்கப்படுகிறது.

காலநிலை மாற்றத்தால் ஏற்படும் பிரச்சினைகளுக்கு எதிராகப் போராடுவதற்காக இவர்களால் போடப்பட்ட அத்திவாரத்துக்காக இந்தப் பரிசு வழங்கப்படுவதாக, நோர்வேயின் நோபல் கமிட்டி அறிவித்துள்ளது.

புவி வெப்பமடைதல் தொடர்பில் அல்கோர் அவர்கள் தயாரித்த விவரணப்படத்துக்கு ஆஸ்கார் விருது கிடைத்தது. இந்த விவகாரத்தில் உலக மட்டத்திலான புரிதலுக்காக மிகவும் அதிகமாகப் பங்காற்றியவர் இவரே என்றும் அந்த நோர்வே நாட்டுக் குழு கூறியுள்ளது.

இந்த விருதைப் பகிர்ந்து கொள்வதில் தான் பெருமையடைவதாக அல்கோர் கூறியுள்ளார்.

இந்த அறிவிப்பால் தாம் மிகுந்த பெருமிதம் கொள்வதாக ஐ.நாவின் காலநிலை மாற்றம் குறித்த குழுவின் தலைவர் கூறியுள்ளார்.

பிபிசி தமிழ்.கொம்